बारा । जिल्लाको जितपुर सिमरा उपमहानगरपालिकामा सत्ता गठबन्धनका नेकपा माओवादी केन्द्रका राजन पौडेलले मेयरमा अग्रता कायम राखेको छ । उनी एमालेका उम्मेदवारभन्दा करिब ७ सय मतले अगाडि रहेका छन् ।

पौडेलले दुई हजार ९३१ मत ल्याएका छन् भने एमालेकी उम्मेदवार सरस्वती देवी चौधरीले दुई हजार २४१ मत ल्याएकी छन् ।

उपमेयरमा नेपाली कांग्रेसकी मेघा शाहीले दुई हजार ८७१ मत ल्याएकी छन् । यस्तै, एमालेका भोला अधिकारीले दुई हजार ३९२ मत ल्याएका छन् ।

गत स्थानीय निर्वाचनमा उक्त पालिकामा एमालेले मेयर र उपमेयर दुवै पदमा जित हासिल गरेको थियो ।