नयाँदिल्ली- अहिले संसारभर बालबालिकाको खराब खाना खाने बानी धेरैजसो अभिभावकका लागि गम्भीर चुनौती बनेको छ। खासगरी, फास्ट फुड र जंक फुड सजिलै उपलब्ध रहने शहरी इलाकामा यो ठूलो समस्या बनेको छ। यसले बच्चाको शारीरिक र मानसिक विकासमा प्रतिकूल असर पार्छ भन्ने कुरामा कुनै शंका छैन।
नेसनल लाइब्रेरी अफ मेडिसिनमा प्रकाशित एक रिपोर्टअनुसार फास्ट फुड, जंक फुड र अत्यधिक मात्रामा चिनीयुक्त पेय पदार्थको सेवनले बालबालिकामा मोटोपना, मधुमेह र मुटु रोगको जोखिम बढाउन सक्छ। यसका कारण उनीहरूमा चिडचिडापन, एकाग्रतामा कमी र सिक्ने क्षमतामा कमीजस्ता समस्याहरू पनि देखिन सक्छन्।
यो तितो सत्य हो, तर यो भन्नै पर्छ- बालबालिकाको खानपानको बानी बिगार्नुमा आमाबाबुको सबैभन्दा ठूलो भूमिका हुन्छ। नत्र बच्चालाई कसरी थाहा हुन्छ- कुन खाना राम्रो हो र कुन नराम्रो ? आमाबाबुले नै उसलाई स्वस्थ र अस्वस्थकर खानेकुरासँग परिचित गराउँछन्।
फुड ह्याबिट बिगार्ने ५ कारण
– आमाबाबुले देखाउने अनावश्यक माया-प्रेम
– आमाबाबुको अति व्यस्त जीवन शैली
– आमाबाबु नै स्वास्थ्यका मामिलामा सचेत नहुनु
– स्कुलमा साथीहरूको अस्वस्थ खानपान
– टीभी र सामाजिक सञ्जालहरूमा फुड ट्रेन्ड्स र विज्ञापन
फुड ह्याबिट सुधार्ने टिप्स
– सबैभन्दा पहिले हेल्दी डाइट लिन शुरु गरौं
– खानासम्बन्धी ज्ञान हासिल गरौं र त्यससम्बन्धी पुस्तक पढ्न थालौं
– घरमा खाना र पोषणका बारेमा खुलेर कुरा गरौं
– कथा र कविताको माध्यमबाट बालबालिकालाई पोषणको महत्त्व बुझाऊँ
– बालबालिकालाई अस्वस्थ खानाको नोक्सानीका बारेमा बताऊँ
– खानाको शैलीलाई विस्तारै जिन्दगीको हिस्सा बनाऊँ
– बालबालिकाका रुचिका खानेकुरा हेल्दी तरिकाले बनाएर खुवाऊँ
– बाहिरका खानेकुरालाई इग्नोर गरौं। हरेक चिज घरमै बनाएर खाने बानी बसालौं
– खाना जीवनको सबैभन्दा जरुरी हिस्सा हो। स्वस्थ खानामा लगानी गरौं।
– स्वस्थकर वस्तु महँगा छन् भने त्यसमा पैसा खर्च गर्न नहिच्किचाऊँ।
– याद राखौं बालबालिकाले सधैं सिकिरहेका हुन्छन्। उनीहरूमा अस्वस्थ आदत बस्नुमा उनीहरूको मात्रै दोष हुँदैन।
– त्यसैले स्वस्थ खानपानलाई परिवारको संस्कार बनाऊँ
भास्कर डट कमबाट