नयाँदिल्ली- गर्मीबाट राहत पाउन उखुको जुस निकै लोकप्रिय छ। खासगरी, हिट स्ट्रोकबाट शरीरलाई बचाउन यो निकै उपयोगी सुपर फुड हो।
यो स्वादिष्ट मात्र हुँदैन, स्वास्थ्यका लागि पनि निकै लाभदायक हुन्छ। यसले शरीरलाई हाइड्रेट राख्छ र शरीरलाई ऊर्जा पनि दिन्छ।
उखुको जुसले पाचन प्रणालीले पनि मजबुत बनाउँछ। शरीरमा रोग प्रतिरोध क्षमता बढाउँछ। छालालाई स्वस्थ राख्न मद्दत गर्छ। यसमा धेरै प्रकारका पोषक तत्त्व पाइन्छन्।
फार्माकोग्नोसी जर्नलमा प्रकाशित एक अध्ययनका अनुसार उखुको जुसका धेरै स्वास्थ्य लाभ छन्। आयुर्वेद र युनानी पद्धतिमा पिलिया र युरिनसम्बन्धी समस्याहरूको निदानका लागि उखुको जुस पिउने सल्लाह दिने गरिन्छ। यसमा भिटामिन र मिनरल्सको खजाना नै पाइन्छ।
उखु अध्ययन केन्द्रको एक अनुसन्धानबाट यसमा हाई पोलिफेनोल्स पाइने देखिएको थियो, जो शक्तिशाली फाइटोन्युट्रिएन्ट्स हो। उखुको जुसले शरीरमा ब्याड कोलेस्टेरोलसँग लड्न शक्ति दिन्छ। र, यसले मेटाबोलिजमलाई पनि राम्रो बनाउँछ।
२५० मिलिलिटर उखुको जुसमा २० ग्राम सुगर, २० ग्राम कार्बोहाइड्रेट, ७६.२८ ग्राम क्याल्सियम, २७९ मिलिग्राम पोटासियम र ४ मिलिग्राम म्याग्नेसियम पाइन्छ।
यो मिर्गौला र कलेजोका लागि लाभदायक हुन्छ। मुटुको स्वास्थ्य राम्रो बनाउँछ। शरीरलाई डिटक्स राख्छ। उच्च रक्तचापलाई नियन्त्रणमा राख्छ। हड्डीहरूलाई मजबुत बनाउन मद्दत गर्छ।
भास्कर डट कमबाट