नयाँदिल्ली- इन्फ्लेमेसन मानव शरीरको प्राकृतिक रक्षा प्रणाली हो। शरीरमा चोट लाग्दा या संक्रमणबाट यसलाई नोक्सानी पुग्छ।
शरीरमा लामो समय चोट र संक्रमणको समस्या रह्यो भने प्राकृतिक रक्षा प्रणाली खल्बलिन्छ। र, त्यसले डाइबिटिज, मुटु रोग, अटो इम्युन विकारको समस्या निम्त्याउँछ।
शरीरको प्राकृतिक रक्षा प्रणालीमा खलल पुगेको जानकारी नहुन पनि सक्छ। किनकि, यो छिपेर रहेको हुन सक्छ। तथापि, शरीरमा यसका लक्षणहरू देखिन थालेका हुन्छन्।
पाचन प्रणालीसँग जोडिएका समस्या देखिन थाले भने प्राकृतिक चक्र खल्बलिएको हुन सक्छ। जोर्नी दुख्ने, मस्तिष्कले ढिलो काम गर्ने समस्या पनि देखिन सक्छन्।
यस्तै, पर्याप्त निन्द्राका बावजुद थकान महशुस हुने समस्या देखिन सक्छ। बिना कुनै चोट पनि जोर्नीको दुखाइ या मांशपेशीहरूमा समस्या देखिन सक्छ।
प्राकृतिक चक्र बिथोलिँदा छालामा कालो दाग, एग्जिमाजस्ता समस्या निम्तिन्छन्। ध्यान केन्द्रित गर्न गाह्रो हुन्छ। बारम्बार बिर्सिने समस्या आउँछ।
प्राकृतिक चक्रलाई कायम राख्न आफ्नो नियमित डाइटमा अदुवा सामेल गरौं। यसले मांशपेशी सुन्निने समस्या आउन दिँदैन। लसुनले पनि शरीरको प्राकृतिक चक्र नियमित गराउन मद्दत गर्छ। प्रोसेस्ड फुड, चिनी, रिफाइन्ड तेल, अधिक तारेको भोजन घटाऊँ। प्राकृतिक चक्रलाई नियमित राख्न बेसारको सेवन पनि लाभदायक हुन्छ।
दहीलगायत खाद्यवस्तुले स्वास्थ्यमा लाभदायक काम गर्छन्। साथमा नियमित शारीरिक व्यायाम, पैदल यात्रा, साइक्लिङले शरीरलाई तन्दुरुस्त राख्न मद्दत गर्छन्।
नियमित योग र ध्यानले पनि शरीरको प्राकृतिक चक्रलाई नियमित गराउन ठूलो मद्दत गर्छन्। योग, प्राणायाम र ध्यान त्यसका लागि लाभदायक हुन्छन्। अनि गहिरो निन्द्राले शरीरलाई पूरै रिचार्ज गराउँछ।