काठमाडौँ । गृह मन्त्री बालकृष्ण खाँणले बुटवल उपमहानगरपालिका १२ नयाँगाउँस्थित स्वामिनारायण मुक्तिनाथधाममा पूजा आराधना गरेका छन् ।

उक्त अवसरमा उनलाई मन्दिर व्यवस्थापन समितिका पदाधिकारी तथा सदस्यहरूले स्वागत गरेका थिए । उनले मन्दिरका गुरु स्वामी लोकानन्द महाराजलाई भेट गरी मन्दिरको अवस्थाबारे जानकारीसमेत लिएको उनका स्वकीयसचिव विजेश न्यौपानेले जानकारी दिए ।

गृह मन्त्री खाँणसँगै बुटवल उपमहानगरका प्रमुख पदका उम्मेदवार खेलराज पाण्डे पनि मुक्तिनाथधाम पुगेर पूजा गरेका थिए ।