काठमाडौँ । आगामी वैशाख ३० गते हुने स्थानीय निर्वाचनका लागि सत्ता गठबनधन दलकी साझा उम्मेदवार रेणु दाहालले महिलालाई सम्बोधन गर्दै पत्र लेखेकी छन् ।
भरतपुर महानगरमा पाँच दलीय गठबन्धनबाट मेयरकी उम्मेदवार बनेकी दाहालले आफूलाई मतदान गर्न भरतपुरबासी महिलालाई अपिल गरेकी हुन् ।
भरतपुर महानगरमा भइरहेको बाँकी काम पूरा गर्न भन्दै दाहालले आफूलाई मतदान गर्न आग्रह गरेकी हुन् ।
‘महिलाका लागि भरतपुर अस्पतालमा निःशूल्क ओपिडी टिकटको व्यवस्था गरी शुरु भएको मेरो कार्यकालमा महिलालाई निःशूल्क एम्बुलेन्स सेवा उपलब्ध शुरु भएको छ,’ उनले पत्रमा भनेकी छन्, ‘दिदीबहिनीलाई आत्मनिर्भर बनाउन हजारौँ सीपमूलक तालिम र रोजगारका कार्यक्रमहरू सञ्चालनमा ल्याएका थियौँ, छोरी शिक्षा बीमा कार्यक्रममार्फत सबै छोरीहरूको निःशूल्क डाक्टर, इन्जिनियर, शिक्षक, प्रशासक, अधिवक्तालगायत राष्ट्रको असल नागरिक बन्ने सपना पूरा गर्ने अभियान चलाएका थियौँ ।’
उनले मेयरमा पुनः विजय भएर विद्युतीय बस सञ्चालन गरी भरतपुरका सबै दिदीबहिनीलाई महानगरभित्र निःशूल्क यातायात सेवा उपलब्ध गराउने प्रतिबद्धता जनाएकी छन् ।