भोजपुर । जिल्लामा उम्मेदवारमाथि खुकुरी प्रहार भएको छ । षडानन्द नगरपालिका १० साङपाङका वडा सदस्यका उम्मेदवार अमिता तामाङमाथि खुकुरी प्रहार भएको हो ।

शनिबार राति १० बजे अपरिचित समूहले तामाङमाथि खुकुरी प्रहार गरेको जिल्ला प्रहरी कार्यालय भोजपुरले जनाएको छ । खुकुरी प्रहारबाट घाइते भएकी उनको टाउकोमा चारवटा टाँका लगाएको प्रहरीले जनाएको छ ।

खुकुरी प्रहार गर्ने व्यक्तिको खोजी भइरहेको प्रहरीले जनाएको छ । घाइते तामाङको स्वास्थ्य अवस्था अहिले सामान्य रहेको बताइएको छ ।