नयाँदिल्ली- विश्व स्वास्थ्य संगठन (डब्लूएचओ) का अनुसार क्षयरोगपछि संक्रमणबाट हुने मृत्युको दोस्रो ठूलो कारण हेपाटाइटिस हो।
यसबाट बर्सेनि करिब १३ लाख मानिसको मृत्यु हुन्छ। यसको अर्थ विश्वमा दैनिक करिब ३ हजार ५०० मानिसहरू हेपाटाइटिसका कारण मृत्युवरण गर्छन्।
झाडापखाला, थकान, कमजोरी, वान्ता, पेटको दायाँ हिस्सामा दुखाइ हेपाटाइटिसका शुरुवाती लक्षण हुन्। यदि यो क्रोनिक भयो भने भ्रम उत्पन्न हुने, पिसाबको रंग गाढा हुने, दिसा हल्का रंगको देखिने, शरीर चिलाउने र आँखा पहेंलो देखिन्छन्।
अपनाऊँ यस्ता सावधानी
– पानी उमालेर मात्र पिऊँ
– बाहिर निस्किँदा बोतलमा पूर्ण रूपमा बन्द राखिएको पानी मात्र पिऊँ
– घर बाहिरको खानाबाट सकेसम्म टाढा बसौं
– काँचो र आधा पाकेको खानेकुराबाट टाढा बसौं
– फलफूल र सब्जीहरू तातोपानीले पखालेर मात्र खाऔं
– हात बारम्बार साबुन-पानीले धोऊँ
– सम्भव भएसम्म वाटर प्युरिफायरको उपयोग गरौं
– समस्या देखिनासाथ चिकित्सकसँग परामर्श लिऊँ र उपलब्ध रहेको खोप लगाऊँ
भास्कर डट कमबाट