नयाँदिल्ली- हालको व्यस्त र भागदौडयुक्त दिनचर्यामा सबैलाई हतार छ। कसैसँग समय छैन। मानिसहरू कम समयमा सबैथोक हासिल गर्न चाहन्छन्।
जीवनशैलीमा आएको त्यस बदलाव र समयको कमीका कारण मानिसहरूले खानपानको तौर-तरिका पनि पूरै परिवर्तन गरेका छन्। र, प्याकेज्ड, प्रोसेस्ड र फ्रोजन फुडजस्ता ‘रेडी-टू-इट मिल्स’ खुबै रुचाउँछन्।
यी खाद्यवस्तु ती मानिसका लागि हो, जो अत्यधिक व्यस्त रहन्छन्। फ्रोजन फुड्सलाई फ्रिजरबाट निकालेर त्यसलाई तेलमा डिप फ्राई या एयर फ्रायरमा फ्राई गरेर तत्काल खान सकिन्छ। त्यसबाट समयको पनि बचत हुन्छ।
तथापि, ती खाद्यवस्तु स्वास्थ्यका लागि कति लाभदायक छन् भन्ने कमैले आकलन गरेका हुन्छन्। विज्ञ र चिकित्सकहरू त्यस्ता खाद्यवस्तु शरीरका लागि हानिकारक हुने बताउँछन्।
किनकि, फ्रोजन फुड्सका कारण हड्डीहरू कमजोर हुन्छन्। मधुमेह हुने जोखिम हुन्छ। रक्तचाप ह्वात्तै बढ्छ। मानिस मोटोपनको शिकार हुन्छ। क्यान्सरको जोखिम बढ्छ। र, मुटु रोग लाग्छ।
फ्रोजन फुड्सका खाँदा अपनाऊँ यस्ता सावधानी
– फ्रोजन फुड्स खरिद गर्दा प्याकेटमा लेखिएका जानकारी ध्यानसँग पढौं
– प्रयोग गर्नु २० मिनट पहिले त्यस्ता खाद्यवस्तुलाई फ्रिजबाट निकालौं
– फ्रोजन फलफूल र सब्जीलाई सफा पानीले राम्रोसँग पखालौं
– एकपटक डिफ्रोस्ट गरेपछि त्यसलाई फेरि फ्रोजन नगरौं
– प्याकेजमा फ्रिजर बर्न अर्थात् सेतो या बरफयुक्त धब्बा छ भने त्यसलाई खरिद नगरौं
– महिनामा एकपटकभन्दा बढी फ्रोजन फुड नखाऊँ