नयाँदिल्ली- जनवरीमा भारत बिहारको मुजफ्फरपुर जिल्लामा एक ९ वर्षकी बालिकाको पेटबाट १ किलो कपाल निकालियो। उनका बाबु-आमाका अनुसार ३ वर्षको उमेरदेखि उनलाई कपाल खाने अनौठो आदत लागेको थियो।
अभिभावकहरूले त्यसो गर्न हुँदैन भनेर सम्झाउँदा पनि उनले टेरेकी थिइनन्। जति सम्झाउँदा पनि नमानेपछि उनको कपाल नै खौरिन थालिएको थियो।
केही महिनाअघि उनलाई अत्यधिक पेट दुख्न थाल्यो। र, १५ दिनसम्म खाना नखाएपछि अस्पताल भर्ना गरियो। जाँचका क्रममा उनको पेटमा कपालको गुच्छा नै देखियो। र, अपरेसन गरेर त्यसलाई निकालियो। पेटमा १ किलो कपाल थियो।
चिकित्सकहरूका अनुसार त्यो एक मानसिक स्वास्थ्य रिसअर्डर हो, जसमा मानिस आफ्नै कपाल टाउकोबाट चुँड्दै खाँदै गर्छ। विज्ञानको भाषामा त्यसलाई ट्राइकोटिलोमेनिया भनिन्छ। र, ‘हेयर पुलिङ डिसअर्डर’ पनि भनिन्छ।
कुनै व्यक्ति कपाल चुँडेर खान्छ भने त्यस्तो स्वास्थ्य अवस्थालाई पिका भनिन्छ। त्यस्तो बिमारी भएका मानिसले नन्-न्युट्रिटिभ वस्तु अर्थात कुनै पोषण नभएका चिज खाने गर्छन्। र, त्यो मानिसले गर्ने भोजन हुँदैन।
पिका लागेका मानिसले कपाल मात्र होइन, माटो, काँटी, चुनाजस्ता वस्तु खाइदिन्छन्। अमेरिकाको नेसनल लाइब्रेरी अफ मेडिसिनमा प्रकाशित एक अध्ययन-रिपोर्टअनुसार संसारभरका १२ प्रतिशत बालबालिका पिकाबाट ग्रसित हुन्छन्।
पिकाका यस्ता लक्षण
– बारम्बार आफ्नो कपाल तानिरहनु
– कपाललाई स-साना टुक्रा बनाउनु
– आफ्नो अनुहार र ओठमा कपाल रगटिरहनु
– कुनै खास प्याटर्नमा सधैं कपाल खेलाइरहनु
– आफ्नै कपाल तानेर चबाउने कोशिस गर्नु
– कपाल तान्न नपाउँदा चिडचिडापन हुनु
– कपाल तान्दा खुशी भएको अनुभूति हुनु
– शरीरमा रगतको कमी या एनिमियाको लक्षण देखिनु
– माटो, कागज र कपाल खाने इच्छा भइरहनु
– शरीरमा आइरन र जिंकको क्रोनिक कमी हुनु
– कपाल, माटो खाएका कारण हमेशा पेट खराब रहनु
– सब्जी, अन्नलगायत सामान्य भोजन गर्न पटक्कै रुचि नहुनु
खतरनाक आदत
– यसका कारण पेटमा इन्फेक्सनको खतरा हुन्छ
– आन्द्रामा ब्लकेज हुनु
– पेटमा घाउ हुनु
– अल्सर हुनु
– जुनसुकै चिज खाँदा पनि पोइजनिङ हुनु
भास्कर डट कमबाट