नयाँदिल्ली- हालै भारतको सबैभन्दा ठूलो टेलिकम कम्पनी रिलायन्स जियोले एक एडभाइजरी जारी गर्यो। र, रिलायन्स जियोको नाममा प्रिमियम रेट सर्भिस स्क्याम भइरहेकामा प्रयोगकर्ताहरूलाई सावधान गरायो।
उक्त स्क्याममा साइबर अपराधीहरूले विदेशी नम्बरबाट पहिले मिस्ड कल गर्छन्। र, कसैले त्यो नम्बरमा कल ब्याक गर्यो भने अत्यधिक चार्ज असुल्छन्। उक्त ठगीबाट बच्न अन्तर्राष्ट्रीय नम्बरबाट आउने मिस्ड कलबाट सावधान रहन कम्पनीले सचेत गराएको थियो।
कसरी गर्ने पहिचान ?
– अज्ञात अन्तर्राष्ट्रीय नम्बरबाट कल आउँछ
– त्यस्तो फोन कल केही सेकेन्डको मात्र हुन्छ र तत्काल काटिन्छ
– यस्तो फोन कलको समय प्रायः अबेर राति हुने गर्छ। कहिलेकाहीं झुक्याउने गरी दिउँसै पनि कल आउँछ।
– कलर आईडी र कन्ट्री कोड अलग हुन्छ
कसरी बच्ने ?
– अन्जान नम्बरबाट आएको अन्तर्राष्ट्रीय कललाई इग्नोर गर्नूस्
– त्यस्तो अज्ञात नम्बरमा कहिल्यै कल ब्याक नगर्नूस्
– कुनै पनि सन्दिग्ध नम्बरलाई तत्काल ब्लक गर्नूस्
– कलरको नम्बर र कोड चेक गर्नूस्
– त्यस्तो कल आएमा तत्काल टेलिकम अपरेटर कम्पनीलाई सूचना दिनूस्
– र, प्रहरीको साइबर अपराध ब्युरोमा तत्काल सूचना दिनूस्
भास्कर डट कमबाट