बराहक्षेत्र– बराहक्षेत्र नगरपालिका वडा नं १ चतरामा रहेको औलिया बाबा सामुदायीक वन उपभोक्ता समितीको २०औं साधारणसभा तथा वन समूहको पाचौं अधिवेशनले नयाँ कार्यसमितिबाट दोश्रो कार्यक्रमको लागि अध्यक्ष पदमा रन्जित लोहनी सर्वसम्वत् रुपमा निर्विरोध निर्वाचित भएका छन्।

अध्यक्ष पदमा लोहनीको प्रतिद्वन्दी कोही पनि नभएपछि दोस्रो कार्यकालको लागि लोहनी अध्यक्षमा पदमा सर्वसम्मत रुपमा निर्वाचित भएका हुन्।

उपाध्यक्ष -राजन निरौला

सचिब – राज बान्तावा

कोषाध्यक्ष-आयुशा राई

लेखा संयोजक- साजन राई

सह सचिब- बुध्द कुमार श्रेष्ठ

सदस्यहरु -शंकर राई,बालकृष्ण राई,राज कुमार राई,गङ्गा नेपाल,सम्पति चौधरि र इन्द्रकुमरि बि .क. चयन भएका छन।

सचिव राज वान्तवाले वनको प्रगति प्रतिवेदन प्रस्तुत गर्दै आगामी वर्ष आन्तरिक बिक्री वितरणका निम्ति वार्षिक स्वीकार्य लकडी जर्ना निकासा गर्ने, समूहको क्षेत्राधिकारभित्र पर्ने ३.४ हेक्टर जमिनमा वृक्षरोपण गर्ने, वन हेरालुको व्यवस्था गर्ने,बाढी पहिरो सम्भावित क्षेत्रहरुको पहिचान गरी जाली क्रेटिङको व्यवस्था गर्ने,वन समूहको कम्पाउण्ड घेराबेरा गर्ने, पर्यापर्यटनका लागि सम्भावित क्षेत्रको पहिचान गरी पर्यापर्यटनको व्यवस्था गर्ने,अतिविपन्न तथा जेहेन्दार विद्यार्थीलाई छात्रवृत्तिको व्यवस्था गर्नेलगायतका कार्ययोजना राईले प्रस्तुत थिए।