नयाँदिल्ली- बालबालिकाका लागि माता-पिताजस्तै स्याहार आवश्यक हुन्छ, हजुरबा-आमाको। अहिले संसारभर विकसित भइरहेको एकल परिवारको चलनका कारण बालबालिकाले हजुरबा-आमाको स्याहार कम पाइरहेका छन्।
हजुरबा-आमा नभएको घरमा कामकाजी बाबु-आमा काममा जाँदा बालबालिका एक्लो हुन्छन्। घर या मावली, दुवैतर्फका जो भए पनि हजुरबा-आमाको माया र स्याहार बालबालिकाका लागि अति महत्त्वपूर्ण हुन्छ। किनकि, हजुरबा-आमा नै उनीहरूका लागि पहिलो साथी बन्न सक्छन्।
हजुरबा-आमाबाट उनीहरूले आफ्नो जीवनमा अत्यावश्यक कुराहरू सिक्न पाउँछन्। इन्डिपेन्डेन्ट सिस्टम रिसर्च एजुकेसन एन्ड इन्नोभेसन समूह ‘द लिगेसी प्रोजेक्ट’को अध्ययनअनुसार हजुरबा-आमासँग समय बिताउँदा बालबालिकाको इमोसनल र सोसल ग्रोथ राम्रो हुन्छ। त्यसैले अमेरिकी सांस्कृतिक मानवशास्त्री मार्गरेट मिडले हजुरबा-आमाको मायाबिनाको मानिसको जीवन अधुरो बताएकी छन्।
हजुरबा-आमाबाट बालबालिकाले सिक्छन् यी कुरा
– परिवारको महत्त्व
– संस्कार र अनुशासन
– भ्यालु र मोरल सपोर्ट
– सहानुभूति
– व्यावहारिक ज्ञान
– पारिवारिक इतिहास
– राम्रो श्रोता बन्न
– भव्य खेल खेल्न
– कथाहरूबाट प्रेरणा लिन्छन्
– चुनौतिहरूको सामना गर्न सिक्छन्
– सांस्कृतिक परम्परा र विरासतका बारेमा जानकारी पाउँछन्
भास्कर डट कमबाट