काठमाडौँ । नेपाली कांग्रेस कास्कीले गठबन्धन पक्षमा एक ढिक्का हुने निर्णय गर्दै जिल्ला पार्टी कार्यालयमा लगाएको ताला खोलेको छ ।

पार्टीको असन्तुष्ट पक्षले महानगरको मेयर नेकपा एकीकृत समाजवादीलाई दिएको भन्दै बुधबार पार्टी कार्यालयमा ताला लगाएको हो ।

पार्टी निर्णय नसच्याएसम्म ताला नखोल्ने अडान लिएको असन्तुष्ट पक्षले गठबन्धनको पक्षमा एक ढिक्का भएर जाने निर्णय गरेको हो । महानगरको उपमेयर र वडामा सशक्त दाबेदारका रुपमा प्रस्तुत हुने भएकाले अगाडि बढ्ने एक नेताले बताए ।

पाँच दलीय गठबन्धनको केन्द्रीय स्तरको निर्णयअनुसार पोखरा महानगरको मेयरमा नेकपा एस र उपमेयरमा कांग्रेसले पाउने भएको छ । यसअघि पोखराको मेयर र उपमेयर दुवै नेकपा एमालेले जितेको थियो ।