उदाहरणका लागि दुग्धजन्य उत्पादन, जुनेलो र तिलका दाना नियमित खानामा सामेल गर्न सके शरीर तन्दुरुस्त राख्न मद्दत पुग्छ। ती खाद्यवस्तुबाट हड्डी र दाँतलाई मजबुत राख्न आवश्यक क्याल्सियम प्राप्त हुन्छ।
यस्तै, खजुर, सख्खर, मुसुरोको दाल र पालुंगोको सागको नियमित सेवनबाट शरीरमा आइरनको मात्रा प्रशस्त प्राप्त हुन्छ। यी खाद्यवस्तु नियमित खाँदा रक्तअल्पता (एनिमिया), थकान र रोग प्रतिरोधक क्षमता कमजोर हुनबाट जोगिन सकिन्छ।
यी खाद्यवस्तुबाट फाइबर र एन्टीअक्सिडेन्ट पनि प्रशस्त प्राप्त हुन्छ। शरीरमा म्याग्नेसियम प्राप्त गर्न पालुंगोको साग, नट्स, गहुँ, जौजस्ता खाद्यपदार्थले ठूलो मद्दत पुर्याउँछन्।
दाल र फर्सीको बीउबाट रोग प्रतिरोधात्मक क्षमता र शरीरमा लाग्ने चोटपटक चाँडो निको हुने र डीएनलाई सही तरिकामा काम गराउने जिंक प्राप्त हुन्छ। यी खाद्यवस्तुले छाला, कपाल र नङको स्वास्थ्यमा पनि लाभ दिलाउँछन्। जिंकले ब्याक्टेरिया र भाइरसबाट लड्ने क्षमता विकास गराउँछ।
यस्तै, ओमेगा-३ फ्याट्टी एसिड प्राप्त गर्न चिया, फ्लेक्ससिड र ओखरको नियमित सेवनबाट मद्दत पुग्छ। ओमेगा-३ फ्याट्टी एसिडले मस्तिष्कको स्वास्थ्यमा राम्रो नतिजा दिन्छ। र, ट्राइग्लिसराइडलाई कम गरेर मुटुरोगको जोखिम घटाउँछ।
यसैगरी, शरीरमा मेलाटोनिनको मात्रा पूरा गर्न च्याउ, ओट्स र अण्डाको नियमित सेवन आवश्यक छ। मेलाटोनिनले नै सुत्ने र उठ्ने नियमित चक्रलाई व्यवस्थित बनाउँछ। र, शरीरको सर्केडियन रिदमलाई नियन्त्रित गर्छ।
भास्कर डट कमबाट