बराहक्षेत्र मन्दिर एरियामा नवनिर्मित प्रहरी चौकी भवनको आज बुधबार उद्घाटन गरिएको छ ।
कोशी प्रदेश प्रहरी कार्यालय विराटनगरका प्रमुख प्रहरी नायव महानिरीक्षक चन्द्र कुमार खापुङले एक समारोहबीच बराहक्षेत्र नगरपालिका–१ बराहक्षेत्र मन्दिर परिसरमा नवनिर्मित प्रहरी चौकी भवनको उद्घाटन गरेका हुन् ।
भवनको उद्घाटन गर्दै खापुङले प्रहरीले आम नागरिकलाई सुरक्षाको प्रत्याभूति गराउने तथा जनताले पाउनुपर्ने सेवा सुविधा चुस्त दुरुस्त राख्न निर्देशन दिएका छन।
नवनिर्मित भवन अढाई तले संरचना हो,चौकी बराहक्षेत्रमा साना ठुला गरेर ११ वटा कोठाहरु रहका छन।
भुई तल्लामा कार्यालय प्रमुख कक्ष, महिला तथा पुरुष हिरासत कक्ष,गार्ड रुम रहेको छ भने पहिलो तल्लामा महिला व्यारेक, पुरुष व्यारेक र मनोरञ्जन हल रहेको छ साथै दोस्रो अर्थात सबै भन्दा माथिल्लो तल्लामा संचार अफिस, संचार व्यारेक, कार्यालय प्रमुख कोठ तथा एट्याच शौचालय सहित किचेन डाईनिङ कोठा रहेको जानकारी प्रहरीले जानकारी दिएको छ।
नेपाल प्रहरी प्रधान कार्यालय भौतिक पुर्वाधार निर्देशनालयबाट छुटिएको रकमले आडाई तल्ले भुकम्प प्रतिरोध भवन मुल्य अभिवृद्धि कर सहित रु. ३ करोड १९ लाख ४० हजार ३४७/२४ पैंसा नवनिर्मित भवन निर्माण सम्मपन्न भएको थियो।