काठमाडौँ । पाकिस्तानको नयाँ सकरारले पेट्रोलको मूल्य नबढाउने निर्णय गरेको छ । तर, यो निर्णयले आईएमएफको ६ अर्ब डलरको ऋण कार्यक्रम भने संकटमा परेको छ । वित्तीय संकटबाट जुधिरहेको पाकिस्तानलाई अहिले वैदेशिक ऋण अत्यन्त आवश्यक रहेको छ ।
प्रधानमन्त्री शेहवाज शरिफको सरकारले पेट्रोलको मूल्य प्रति लिटर १४९.८६ पाकिस्तानी रुपिज र डिजेलको प्रति लिटर मूल्य १४४.१५ रुपिजबाट नबढाउने निर्णय गरेको देशका अर्थ मन्त्रीले एक वक्तव्य जारी गर्दै जानकारी दिएका छन् । पाकिस्तानका ‘आम मानिसलाई सहुलियत दिन’यस्तो निर्णय गरिएको वक्तव्यमा उल्लेख छ ।
यही सात इमरान खानको सरकार अपदस्थ भएपछि शेहवाज शरिफको नेतृत्वको वर्तमान सरकार गठन भएको हो । खानको सरकारले आईएमएफसँग ऋण लिने बेलामा पेट्रोल, डिजेलको मूल्य बढाउन सहमति गरेको थिए ।
तर, पछि सहमतिविपरीत गएर उनले पेट्रोल र डिजेलको मूल्य उल्टो घटाउँदै आगामी जुन महिनासम्म मूल्य स्थिर रहने घोषणा गरेका थिए । त्यसपछि आईएमएफले खानको सरकार रहेसम्म ऋण प्रक्रियाअगाडि बढ्न आनकानी गरेको थियो ।
नवगठिन शरिफ सरकारले खानले तय गरेको पेट्रोलियम पदार्थका मूल्यमा कायम रहने निर्णय गरेपछि पुनः आईएमएफको ऋणमाथि प्रश्न उठेको छ । अहिलेको सरकारलाई तत्काल सबैभन्दा ठूलो चुनौती वैदेशिक ऋण भित्र्याउने भन्ने नै छ ।
पाकिस्तानसँग अहिले दुई महिनाभन्दा कम समयको निर्यात धान्ने विदेशी विनिमय सञ्चिति छ । यही समस्यालाई सम्बोधन गर्न विगतमा खान सरकारले आईएमएफसँग ६ अर्ब डलरको ऋण कार्यक्रमबारे छलफल शुरु गरेका थिए । ६ अर्बमध्ये आधा अर्थात ३ अर्ब डलर यही वर्षमा पाकिस्तानले पाउने समय तालिका निर्धार गरिएको थियो ।
तर, शरिफ सरकारको पछिल्लो निर्णयले ‘आईएमएफको लक्ष्य थप पछाडि धकेलिएको’ जेएस ग्लोबल क्यापिटल लिमिटेडका अनुसन्धान प्रमुख अम्रिन सुरानीले बताए । तर, विभिन्न आशंकामाझ नयाँ सरकार आईएमएफको ऋण कार्यक्रमप्रति सकारात्मक रहेको र अर्थतन्त्रलाई स्थिर राख्न ऋण कार्यक्रमसम्बन्धमा आईएमएफसँग छलफललाई निरन्तरता दिने पाकिस्तानी प्रधानमन्त्रीका एक आर्थिक सल्लाहका मिफ्ताह इस्माइलले बताएका छन् । ब्लूमवर्गबाट