कैलाली । महेन्द्रनगर देखि बैतडीको पुर्चाैडि जाँदै गरेकाे पवनदुत यातायातको ना ८ ख १०७८ नम्बरकाे बस अमरगढी नगरपालिका ७ डडेल्धुराकाे खसरेखानमा हिजो मध्ये राति साढे १२ बजेतिर दुर्घटना भएको छ। दुर्घटनामा परी ४ जनाकाे घटनास्थलमै मृत्यु भएकाे छ।
जिल्ला प्रहरी कार्यालय डडेल्धुराका सुचना अधिकारी प्रहरी निरीक्षक उपेन्द्र बमले दुर्घटनामा ४ जनाको मृत्यु भएको बताए । उनले मृतक ३ जना एकाघरका र बाकी १ जना रहेको जानकारी दिए । त्यस्तै दुर्घटनामा परि १२ जना घाइते भएको सुचना अधिकारी बमले बताए ।
मृत्यु हुनेमा पुर्चौडी नगरपालिका ३ बैतडीका सहदेव बोहरा, उनकी श्रीमती कमला बोहरा र दुधे बालक रहेको प्रहरीले जानकारी दिएको छ । त्यस्तै अर्का मृतक सोही ठाउँकि जैमति बोहरा रहेको सूचना अधिकारी बमले बताए ।
बस सडकबाट करिब ३ सय मिटर तल खसेको अवस्थामा जानकारी पाउनासाथ प्रहरी घटनास्थलमा पुगि उद्दारकार्यमा खटिएको बताउदै सुचना अधिकारी बमले घाइतेहरूको डडेल्धुरा अस्पतालमा उपचार भैरहेको बताए ।