काठमाडौँ । सर्लाहीमा बस पल्टिँदा २४ जना घाइते भएका छन् । जिल्लाको ईश्वरपुर नगरपालिका ५ फुलजोर चोकमा सोमबार बिहान बस पल्टिएको हो ।

प्रहरीका अनुसार घाइतेमध्ये ५३ वर्षीया कमला श्रेष्ठ राईको अवस्था गम्भीर रहेको छ । उनको जनकपुरस्थित रामा मेमोरियल अस्पतालमा उपचार भइरहेको छ ।

पारिश्रमिक सहकारी संस्था मोरङबाट भ्रमणका लागि प्युठान पुगेर फर्किने क्रममा प्रदेश ३–०१–००५ ख ९८६० नम्बरको बस दुर्घटनामा भएको हो ।