मनिष अर्याल

१९ चैतमा हुने नेपाल बार एसोसिएसनको चुनावमा प्रतिस्पर्धामा उत्रिएका उम्मेदवारहरूलाई बार परिसरमा मंगलबार परिचय गराइएको छ।

निर्वाचन समितिका अनुसार देशभर एकसाथ चुनाव हुनेछ। चुनावबाट एक अध्यक्ष, आठ उपाध्यक्ष, इक कोषाध्यक्ष, एक महासचिव र १४ जना सदस्य निर्वाचित हुनेछन्।

१० फागुनमा मतदाता नामावली प्रकाशन, १३ फागुनमा दाबी विरोध र २० फागुनमा अन्तिम नामावली प्रकाशन भइसकेको छ। २३ फागुनमा उम्मेदवारी दर्ता गरेका उम्मेदवारहरूको अन्तिम नामावली २५ फागुनमा प्रकाशित भएको थियो।

१९ चैत बिहान ८ देखि अपरान्ह ४ बजेसम्म देशभर मतदान हुँदैछ। अहिले उम्मेदवारहरू मतदातामाझ पुगिरहेका छन्।