काठमाडौँ । अमेरिकी सहयोग नियोग मिलेनियम च्यालेञ्व कर्पोरेसन एमसीसीले सब स्टेशन बनाउन नुवाकोटमा अधिग्रहण गरिएको घरजग्गा खाली गर्न सार्वजनिक सूचना जारी गरेको छ । एमसीए नेपाल कार्यालयका अनुसार आगामी ३५ दिनभित्र सबै घरजग्गा खाली हुनु पर्ने छ।

एमसीसी नेपाल विकास समिति काठमाडौँले आज एक सूचना निकालेर अधिग्रहण गरिएका जग्गामा सब स्टेशन निर्माणका लागि तारबार गर्ने कार्य अगाडि बढाउन भन्दै खाली गर्न आग्रह गरेको हो।

‘अधिग्रहण गरिएका जग्गामा स्वीकृत कार्यक्रमअनुसार सब(स्टेशन निर्माण गर्न तारबार गर्ने कार्यलाई अघि बढाउन मुआब्जालगायत क्षतिपूर्ति तथा पुनर्वास सहायता रकम बुझिसकेका महानुभावले अधिग्रहण गरिएका घरजग्गाहरू ३५ दिनभित्र खाली गर्नुपर्नेछ,’ सूचनामा भनिएको छ।