कैलाली– सुदुरपश्चिम टेबुलटेनिस संघले प्रदेशस्तरीय अन्डर १५ टेबुलटेनिस खेलाडी छनौट सम्पन्न गरेको छ। छनौट प्रतियोगिता धनगढी स्थित क्षेत्रीय रंगशालामा भएको थियो।

यहि जेठ ३० देखि ३२ गतेसम्म पोखरामा आयोजना हुने प्रतियोगिताका लागि प्रदेश स्तरीय खेलाडी छनौट गरिएको सुदुरपश्चिम टेबुलटेनिस संघका अध्यक्ष रमेश पाण्डेयले बताए।

प्रतियोगितामा चार/चार जना पुरुष र महिला खेलाडी छनौट भएका छन। जसमा पुरुष तर्फ अर्थबिद भट्ट, नवराज महर, सुरज कार्की र रोजेन सिंह धामी छनौट भएका छन।

त्यस्तै महिलातर्फ दिव्या रावल, जुनु नगाल, श्रृष्टि चौधरी र महिमा महत छनौट भएका अध्यक्ष पाण्डेयले बताए। यहि २६ गते हुने प्रदेश स्तरीय खेलाडी छनौटमा बिजयी हुनेले पोखरामा हुने प्रतियोगितामा सहभागीता जनाउने अध्यक्ष पाण्डेयले बताए।