नयाँदिल्ली- गर्मीमा तरबुजा खाँदा शरीर तन्दुरुस्त रहन्छ। यसले छालाको सौन्दर्य पनि निखार्छ। तरबुजाबाट फेस प्याक बनाएर पनि लगाउन सकिन्छ।
तरबुजामा भरपुर पानी हुन्छ। यसले शरीरलाई हाइड्रेट राख्छ। र, शरीरमा पानीको कमी हुन पाउँदैन। तरबुजामा पाइने भिटामिन-सीले छालाको चमक बढाउँछ। कतिपय छालाको समस्यामा पनि यो उपयोगी फल मानिन्छ।
तरबुजा छालाका लागि एकदमै राम्रो मोस्चराइजर हो। यदि कसैमा छाला सुख्खा हुने समस्या छ भने तरबुजाको नियमित सेवनबाट राहत मिल्नेछ।
छाला चाउरिने समस्या देखिन थाल्यो भने पनि तरबुजाको नियमित सेवन लाभदायक हुन सक्छ। यसमा पाइने एन्टिअक्सिडेन्ट गुणले छालाको चाउरीपन हटाउन मद्दत गर्छ।
तरबुजामा मौजुद म्याग्नेसियमले छालालाई सुख्खा हुनबाट बचाउँछ। म्याग्नेसियमले छालालाई मोस्चराइज गर्न पनि मद्दत गर्छ। र, सुख्खापनबाट टाढा राख्छ। तरबुजाको फेस प्याक बनाएर लगाउँदा अनुहारको छालाको चमक बढ्छ।
तरबुजामा अधिक फाइबर हुन्छ र क्यालोरीको मात्रा कम। तरबुजा खाँदा लामो समय पेट भरिलो रहेको आभास पनि हुन्छ। यसले शरीरमा भएका विषालु पदार्थ बाहिर निकाल्न मद्दत गर्छ। तरबुजा खाँदा छिटो-छिटो भोक लाग्ने समस्या पनि हट्छ। र, तौल घटाउन पनि मद्दत गर्छ।
तरबुजामा पाइने भिटामिन सी, भिटामिन एले फाइबर इम्युनिटी बढाउन सहयता गर्छन्। पेटको इन्फेक्सनबाट बच्न र पाचन क्रिया सही राख्न पनि तरबुजाले मद्दत गर्छ।
तरबुजाले मुटुको स्वास्थ्य पनि दुरुस्त राख्छ। कारण- तरबुजामा पाइने एमिनो एसिडले रक्तचापलाई नियन्त्रणमा राख्छ। ब्याड कोलेस्टेरोल बन्न दिँदैन र हृदयाघातको जोखिम पनि कम गर्छ।
कब्जियतको समस्या, रगतको कमी, थकान र तनावबाट पनि यसले टाढा राख्छ।
तरबुजा गर्मीयाममा पाइने बहुउपयोगी फल हो। यही बेलामा छाला सुख्खा हुने समस्या पनि बढी हुन्छ। त्यसैले तरबुजाको रसमा बेसन मिलाउनूस्। र, प्याक बनाउनूस्। त्यस प्याकलाई अनुहारमा लगाएर १५ मिनटसम्म राख्नूस्। त्यसपछि अनुहार पानीका छिटा राखेर हातले मसाज गर्नूस्। त्यसपछि अनुहार पखाल्नूस्।
यस्तै, तरबुजाको रसमा कटन भिजाएर अनुहारमा लगाउनूस्। १० मिनटपछि अनुहार पखाल्नूस्। यसलाई नियमित प्रयोग गर्दा अनुहार चम्किलो बन्छ।
आँखा सुन्निने र थकानको समस्या हटाउन तरबुजाको दुईवटा स्लाइस काटेर आँखामा राख्नूस्। र, १५ मिनटपछि हटाउनूस्। तपाईंलाई तत्काल राहत महशुस हुनेछ।
तरबुजाको साथमा केरा, स्याउ, मेवा, सुन्तलालाई मिसाएर पनि फेस प्याक बनाउन सकिन्छ। मेवामा पाइने एन्जाइम्सले मरेका सेलहरूलाई हटाउँछ। र, नयाँ सेल्स बन्न मद्दत गर्छ।
यस्तै, केराले छालालाई कसिलो बनाउँछ। स्याउ र सुन्तलामा भिटामिन र मिनरल्स भरपूर पाइन्छ। तरबुजाले छालालाई हाइड्रेट राख्छ। यस फेसप्याकलाई ३० मिनटसम्म अनुहारमा राख्नूस् र धुनूस्। अनुहारमा बेग्लै चमक आउँछ।