काठमाडौं । प्रमुख प्रतिपक्षी दल कांग्रेस संसद खुलाउन तयार भएको छ । उपप्रधान एवम् गृहमन्त्री सहकारी प्रकरणमा मुछिएको भन्दै सांसदिय छानविन समितिको माग गर्दै आएको कांग्रेस संसदको गतिरोध हटाउन लचक भएको हो ।
प्रधानमन्त्री पुष्पकमल दाहाल प्रचण्डले सहकारी ठगि प्रकरणमा छानविन समिति गठन गर्ने जनाएपछि कांग्रेस गतिरोध खोल्न तयार भएकव जनाइएको छ । कांग्रेसले गृहमन्त्रीलाई संसदमा बोल्न दिने जनाएको छ ।
कांग्रेसका प्रमुख सचेतक रमेश लेखकले पहिला कांग्रेस र त्यसपछि गृहमन्त्री बोल्ने समझदारी भएको जानकारी दिए । उनले भने, ‘प्रधानमन्त्रीले संसदीय छानबिन समिति बनाउँछु, रविलाई बोल्न दिनुस् भन्नुभयो। समिति बन्ने भएपछि हामी बोल्न दिन्छौँ। अब सुरुमा कांग्रेस बोल्ने, त्यसपछि रवि बोल्ने, त्यसपछि अरू कार्यसूचीमा अघि बढ्ने समझदारी भएको छ।’
प्रतिनिधिसभाको बैठक ४ बजे बस्दै छ ।