काठमाडौं । प्रमुख प्रतिपक्षी नेपाली कांग्रेसले प्रतिनिधि सभाको बैठकमा अवरोध गरेको छ ।

उपप्रधान तथा गृहमन्त्री रवि लामिछानेको विषयमा छानविन गर्न संसदिय समितिको माग गर्दै आएको कांग्रेसले संसद अवरोध गरेको हो ।

सभामुख देवराज घिमिरेले अधिवेशनको सुरुवात भएको जानकारी गराएर राष्ट्रपतिको कार्यालयबाट प्राप्त पत्रहरू पढेर सुनाउन लागेपछि कांग्रेसका सांसदहरूले उठेर विरोध गरेका हुन् ।

कांग्रेसले राष्ट्रियसभा बैठकमा पनि अवरोध गर्ने चेतावनी दिएको छ ।