काठमाडौं– राष्ट्रिय स्वतन्त्र पार्टी (रास्वपा) ले इलाम-२ को चुनावी परिणामलाई को विश्लेषण गर्दैं जनताले बेलैमा घण्टी बजाएर सचेत बनाएको निष्कर्ष निकालेको छ।

शुक्रबार पार्टी केन्द्रीय कार्यालयमा बसेको सचिवालय बैठकले उप निर्वाचनको परिणाम पार्टी संगठन, अभियानलाई पुनर्विचार गर्ने अवसर भएको भन्दै जनताले बेलैमा घण्टी बजाएर सचेत बनाएको निष्कर्ष निकालेको हो।

बैठकपछि महामन्त्री डा. मुकुल ढकालले भने, “२०८४ मा यस्तो परिणाम आए हामीलाई ठूलो क्षति पुग्ने थियो। जनताले बेलैमा घण्टी बजाइदिएका छन्। आजको बैठकको निष्कर्ष यही थियो। अब हामी पार्टी, संगठनलाई पुनः व्यवस्थित गर्नेछौं।”

रास्वपाले स्थापनदेखि हालसम्म भएका कमको समिक्षा गर्ने भएको छ। जस्का लागि महान्त्री ढकाललाई असार १ गते भित्र प्रतिवेदन पारिसक्ने जिम्मा सचिवालयले दिएइएको छ। जस्का लागि महामन्त्रीसहितको टोली जेठको दोस्रो सातादेखि देश दौडाहामा जाने पनि उनले जानकारी दिए।