काठमाडौँ । आगामी वैशाख ३० गते हुने स्थानीय निर्वाचनलाई केन्द्रीत गरी एक लाख जना म्यादी प्रहरीको माग गरिएको छ । सरकारले आज एक सूचना जारी गरी म्यादी प्रहरीको भर्ना आह्वान गरेको हो ।
मंगलबार प्रहरी प्रधान कार्यालयले एक सूचना जारी गर्दै दरखास्त आह्वान गरेको हो । यही चैत ६ देखि ११ गतेसम्म भर्ना हुन चाहनेहरुले दरखास्त दिन सक्ने छन् ।
म्यादी प्रहरीको फारम देशभरका जिल्ला प्रहरी कार्यालय र काठमाडौं उपत्यकाका ३ वटा प्रहरी परिसरमा पाइन्छ ।
सुरक्षा निकायमा २०७८ साउन १ पछि भर्नाको लागि आवेदन दिएर शारीरिक तन्दुरुस्ती र स्वास्थ्य परीक्षणमा उत्तीर्ण भएकालाई प्राथमिकता दिइने प्रहरी प्रधान कार्यालयले जनाएको छ । पूर्व सुरक्षाकर्मी, पूर्व वन रक्षक र यसअघिको निर्वाचनमा म्यादी प्रहरीमा भर्ना भएकाहरुलाई पनि प्राथमिकता दिइने प्रहरी प्रधान कार्यालयले जनाएको छ ।
२०७८ चैत १५ गतेदेखि म्यादी प्रहरीको छनौट प्रक्रिया शुरु हुने छ ।
