काठमाडौँ । बाराको आदर्श कोटवाल गाउँपालिकाका अध्यक्ष मुस्तफा अन्सारी नेकपा एमालेमा प्रवेश गरेका छन् । जनता समाजवादी पार्टी (जसपा)बाट पालिकाको अध्यक्षमा विजयी भएका उनलाई एमाले अध्यक्ष केपी शर्मा अ‍ोलीले पार्टी प्रवेश गराएका हुन् ।

एक कार्यक्रमका बीच ओलीले उनलाई एमालेमा प्रवेश गराएका हुन् । कार्यक्रममा अ‍ोलीसँगै मधेस इञ्चार्ज रघुवीर महासेठ, प्रभु साहलगायतका नेताहरू सहभागी भएका थिए ।

आजै ओलीले वीरगञ्ज महानगरपालिकाका मेयर विजय सरावगीसहित चार जना वडाध्यक्षलाई एमाले प्रवेश गराएका थिए ।