काठमाडौँ । सरकारले बोटलर्स नेपालविरुद्ध मुद्दा दायर गरेको छ । सरकारले कम्पनीमाथि पूँजीगत लाभ कर छलीको मुद्दा दायर गरेको हो ।

राजस्व अनुसन्धान विभागले उच्च अदालत पाटनमा ७ अर्ब ४३ करोड ६३ लाख ८२२ रुपैयाँ बराबरको कर तथा बिगो दाबी मुद्दा दायर गरेको राजस्व अनुसन्धान विभागले जनाएको छ ।

बोटलर्स नेपालविरुद्ध पूँजीगत लाभकर छलीमा विभागले अनुसन्धान गर्दै आएको थियो । कम्पनीको आधाभन्दा बढी स्वामित्व एउटा कम्पनीबाट अर्कोमा हस्तान्तरण गर्दा पूँजीगत लाभकर छलेको आरोप छ ।

सरकारले बोटलर्स नेपालसहित १७ जना प्रतिवादी बनाएर मुद्दा दायर भएको हो ।