ताप्लेजुङ सदरमुकाम फुङलिङस्थित कोप्चेमा भएको आगलागी नियन्त्रणमा आएको छ। आगलागीमा परी एक महिलाको मृत्यु भएकाे छ।

कोप्चे बजारमा रहेको मासु पसल नजिकैको एक घरमा अचानक आगलागी भएको हो। स्थानीयवासीका अनुसार बिहान ८ बजे शुरु भएको आगलागी भरखरै नियन्त्रणमा आएको छ। आगलागीका कारण ग्यास पड्किदा ६५ वर्षीय जुडीमाया लिम्बुको मृत्यु भएको छ।

आगलागी नियन्त्रणका लागि स्थानीय र सुरक्षाकर्मी खटिएका थिए। आगलागी नियन्त्रणका लागि फुङलिङ नगरपालिकाको दमकल परिचालन गरिएको थियो। जस्ताले छाएको घरमा आगलागी भएका कारण आसपासका घरसमेत जोखिममा परेका छन्।

आगो अन्यत्र सल्किए कोप्चेबजार पूरै जोखिममा पर्ने देखिन्छ। थप विवरण आउन बाँकी छ। प्रायः बर्सेनि आगलागीको चपेटामा पर्दै आएको सदरमुकाममा यस वर्ष सुक्खायाम लागेसँगै बजार क्षेत्रमा यो नै पहिलोपटक आगलागीको घटना भएको हो।