बराहक्षेत्र– बराहक्षेत्र नगरपालिकाको आठौं स्थापना दिवसको अवसरमा दोस्रो नगर स्तरीय खुल्ला रोडरेस पुरुष तथा महिला प्रतियोगिता सम्पन्न भएको छ।
महिला खुल्ला तर्फ निर्धारित ५ किलोमिटरको दुरीमा बराहक्षेत्र नगरपालिका वडा नं ८ की तुलना खड्का २८ मिनेटमा दुरी पार गर्दै प्रथम हुन सफल भएकी छन्। वडा नं ७ कि रिना खड्काले २९ मिनेट ५० सेकेण्डमा पार गर्दै दोस्रो स्थान हासिल गरेकी थिईन। वडा नं ८ की लक्ष्मी राईले ३३ मिनेटमा दुरी पार गर्दै तेस्रो स्थान हासिल गरेकी थिईन।
प्रथम, दोस्रो र तेस्रो स्थान हासिल गर्नेले नगद ७ हजार, ५ हजार र नगद ३ हजार सहित मेडल र प्रमाण पत्र प्राप्त गरेका थिए।
महिला खुल्ला प्रतियोगिता ५ किलोमिटर बराहक्षेत्र नगरपालिका वडा नं ३, नडहा चोकबाट सुरु भई वडा नं १ झण्डा चोकसम्म रहेको थियो।
१० किलोमिटर पुरुष प्रतियोगितामा बराहक्षेत्र नगरपालिका वडा नं ७ का कुलबहादुर बस्नेत प्रथम भएका छन्। उनले ३८ मिनेटमा निर्धारित दुरी पार गरेका थिए। बराहक्षेत्र-७ का सुर्य तामाङ्ग दोस्रोले ३९ मिनेट ४ सेकेन्डमा दुरी पार गरेका थिए। बराहक्षेत्र वडा ८ का दुर्गा खुलालले ४० मिनेट दुरी पार गदै तेस्रो भएका थिए।
प्रथम, दोस्रो र तेस्रो हुनेलाई नगद १० हजार,दोस्रोलाई ७ हजार , तेस्रोलाई ५ हजार सहित मेडल , प्रमाण पत्र प्राप्त गरे थिए। बराहक्षेत्र नगरपालिका वडा नं ४,जमटोकीबाट सुरु भई वडा नं १ झण्डा चोक सम्म रहेको थियो।
उक्त प्रतियोगितामा बराहक्षेत्र नगरपालिका वडा नं ७ बस्ने एकै परिवारका श्रीमान, श्रीमती र छोरी सहित ३ सदस्यले सहभागी जनाएका थिए। श्रीमान खडगबहादुर सुवेदी वर्ष ३९ ले १० किलोमिटर श्रीमती शंख माया सुवेदी वर्ष ३५, छोरी सोनम सुवेदी १९ ले ५ किलोमिटरमा सहभागी जनाउँदै दौड पुरा गरेका थिए।
पुरुष भेटान तर्फ सुर्य तुम्बाहाम्फे १ घण्टा ६ ,निल कुमार बि.क १ घण्टा ८, विनोद चौधरी १ घण्टा १५ मिनेटमा दुरी पार गर्दै प्रथम,दोस्रो र तेस्रो भएका थिए उनीहरूलाई नगदसहित प्रमाण पत्र प्रदान गरिएको थियो।
उक्त प्रतियोगितामा सहभागिता जनाउने धावक/धाविकाहरूको सुरक्षाका लागि इलाका प्रहरी कार्यालय चक्रधट्टी प्रहरी निरीक्षक राम तिमल्सिना, इलाका प्रहरी कार्यालय चतराका बरिष्ठ सई टिका राम खत्री र ससस्त्र प्रहरी बेस क्याम्प चतराका प्रहरी निरीक्षक बिग बहादुर गोले सहितको राष्ट्र सेवक प्रहरी टोलीले स्कटिङ गरेको थियो।
उक्त प्रतियोगितामा धरान वडा नं १६ का बस्ने बर्ष २० की कल्पना राईले २५ मिनेटमा दुरी पार गर्दै प्रथम स्थान हासिल गरिन्। धरान १५ की ४० वर्षीया जमुना लिम्बुले २७ मिनेट दुरी पार गर्दै दोस्रो स्थान हासिल गरे पनि आयोजकले उनिहरूको दौडलाई मान्यता दिएन। उनिहरुलाई दौडमा सहभागिता जनाएवापत प्रोत्साहन स्वरुप नगदसहित प्रमाण पत्र दिएर आयोजकले सम्मान गरेको थियो।
बिजयी खेलाडीहरूलाई नगर प्रमुख रमेश कार्की,प्रमुख प्रशासकीय अधिकृत देवेन्द्र बहादुर मल्ल,वडा नं १ का अध्यक्ष किसन थापा मगर , वडा नं २ का अध्यक्ष होमप्रसाद गौतम, वडा नं ४ का अध्यक्ष आशाराम चौधरी, वडा नं ७ का अध्यक्ष कपिल आचार्य, ईश्बर थापा, कृष्ण कट्टेल, केबल राई, गोकुल गुरागाई, लगायतले पुरस्कारण वितरण गरेका थिए।