सत्ता गठबन्धनको एक घटक माओवादी केन्द्र अमेरिकी मिलेनियम च्यालेन्ज कम्प्याक्ट (एमसीसी) लाई व्याख्यात्मक घोषणासहित संसदबाट अनुमोदन गर्न तयार भएको छ।

आइतबार बिहान पार्टी अध्यक्ष पुष्पकमल दाहाल ‘प्रचण्ड’को निवास खुमलटारमा बसेको केन्द्रीय कार्यालयको विस्तारित बैठकले व्याख्यात्मक घोषणासहित एमसीसी अनुमोदन गर्ने निर्णय लिएको हो।

माओवादीको निर्णयलगत्तै प्रधानमन्त्री निवास बालुवाटारमा सत्ता गठबन्धनको बैठक बसिरहेको छ।

आइतबार अपराह्न १ बजे बस्ने तयर भएको प्रतिनिधिसभाको बैठकमा एमसीसीबारे छलफल शुरु गर्ने कार्यतालिका छ।