काठमाडौं- बर्दिया राजापुर नगरपालिका-४ छेदियास्थित सडकमा भे.१ क १३९६ नम्बरको मिनी ट्रकको ठक्करबाट सोही ठाउँ बस्ने पुनाराम थारुको ३ वर्षीय छोरा सोनम थारुको सोमबार दिउँसो घटनास्थलमै मृत्यु भएको छ । ट्रक चालकलाई प्रहरीले नियन्त्रणमा लिएको छ ।

रुपन्देही सैनामैना नगरपालिका-११ इँटाखोलास्थित सडकमा लु.२ ख ५७९३ नम्बरको टिपर र लु.३६ प ९८९१ नम्बरको स्कुटर एकआपसमा ठक्कर खाई सोमबार दिउँसो दुर्घटना हुँदा स्कुटरमा सवार सोही नगरपालिका बनकट्टी बस्ने ६४ वर्षीया  गायत्री आचार्यको घटनास्थलमै मृत्यु भएको छ । साथै दुर्घटनामा घाइते भएका स्कुटर चालक सोही नगरपालिका बनकट्टी बस्ने ३२ वर्षीय यादव प्रसादको हिराचन्द्र मेडिकल सालझण्डीमा उपचार भइरहेको छ । टिपर चालकलाई प्रहरीले नियन्त्रणमा लिएको छ ।