कपिलवस्तु- वाणगंगा नगरपालिका-२ कलोनी चोकमा लु.९० प ८०१६ नम्बरको मोटरसाइकल र लु.५६ प ४६२७ नम्बरको मोटरसाइकल एकआपसमा ठक्कर खाई बुधबार राति दुर्घटना हुँदा लु.५६ प ४६२७ नम्बरको मोटरसाइकल चालक सोही नगरपालिका पिपरा बस्ने ४० वर्षीय रोम बहादुर बरालको मृत्यु भएको छ ।

दुर्घटनामा गम्भीर घाइते भएका उनको सामुदायिक अस्पताल चार नम्बर हुँदै जिल्ला अस्पतालमा थप उपचारको क्रममा मृत्यु भएको  हो । साथै दुर्घटनामा घाइते भएका लु.९० प ८०१६ नम्बरको मोटरसाइकल चालक सामुदायिक अस्पताल चार नम्बरमा उपचार पश्चात डिस्चार्ज भएका छन् ।