काठमाडौं -खोटाङ जन्तेढुङ्गा गाउँपालिका-४ डम्बर्खु बस्ने ४३ वर्षीया अन्जु परियारको आगलागीमा परी शुक्रबार साँझ मृत्यु भएको छ । घरमा कोही नभएको अवस्थामा घर अगाडि थुपारेको पुरानो खरमा आगलागी हुँदा उक्त आगोले जलेर मृत्यु भएको अवस्थामा उनको शव फेला परेको हो ।

बारा जितपुरसिमरा उपमहानगरपालिका-२ मुसरीमाई मन्दिर नजिक पार्किंङ गरी राखेको सोही उपमहानगरपालिका-४ बस्ने नबिन अधिकारीको लु.१ क ३३३२ नम्बरको जेसीबिमा शुक्रबार साँझ करेन्ट सर्ट भई आगलागी भएको छ । आगलागीबाट जेसीबिको सिट बक्स, अगाडिको सिसा, स्ट्रिङ बक्स, ग्रिजगन, रिले, हुट लगायत जलेर करिब १० लाख रुपैयाँ बराबरको धनमाल नष्ट भएको छ ।