काठमाडौं -कैलाली लम्कीचुहा नगरपालिका-७ स्थित सडकमा से.३ प ६१३५ नम्बरको मोटरसाइकल आफैँ अनियन्त्रीत सडकको कल्बडबाट खसेर बिहीबार बिहान दुर्घटना हुँदा मोटरसाइकलमा च्यापिएर मोटरसाइकलका चालक सोही नगरपालिका चाकावाडी बस्ने २७ वर्षीय रमेश चौधरीको घटनास्थलमै मृत्यु भएको छ ।

सिन्धुली मरिण गाउँपालिका-६ स्थित सडकमा गुडिरहेको प्र.२-०२-००१ त १३१४ नम्बरको ट्याक्टरबाट हाम फाल्दा लडेर ट्याक्टरमा सवार ट्याक्टरका साहु मरिण गाउँपालिका-७ ठाटी बस्ने ३० वर्षीय राजेन्द्र बस्नेतको बिहीबार दिउँसो मृत्यु भएको छ । लडेर गम्भीर घाइते भएका उनको प्राथमिक स्वास्थ्य केन्द्र कपिलाकोटमा उपचारको क्रममा मृत्यु भएको हो । ट्याक्टर चालकलाई प्रहरीले नियन्त्रणमा लिएको छ ।