कपिलवस्तु– कपिलवस्तुमा निर्माणाधिन गौरीशंकर सिमेन्ट कारखानामा काम गर्ने एक भारतीय मजदुरकाे करेन्ट लागेर मृत्यु भएकाे छ।

शिवराज नगरपालिका-६ धर्मनगरस्थित निर्माणाधिन साे कारखानामा काम गर्ने भारत वेटिया पश्चिम चम्पारन घर भएका २६ वर्षीय पुषपेन्द्र चौरासियाको करेन्ट लागेर मंगलबार बिहान मृत्यु भएको हाे।

कारखानामा वेल्डिङ्‍काे काम गर्ने क्रममा करेन्ट लागेर गम्भीर घाइते भएका उनको शिवराज अस्पताल बहादुरगंजमा उपचारको क्रममा मृत्यु भएको प्रहरीले बताएकाे छ।

यस सम्बन्धमा प्रहरीले थप अनुसन्धान गरिरहेको पनि बताएकाे छ।