काठमाडौं- काठमाडौं चन्द्रागिरी नगरपालिका-४ राम्चेस्थित चित्लाङ जाने बाटोको सडकमा नागार्जुन नगरपालिका-१ बस्ने ३० वर्षीय सुजन लामा बिहीबार मृत अवस्थामा फेला परेका छन् ।
झापा बुद्धशान्ति गाउँपालिका-१ खानेपानी टोल डेरा गरी बस्ने ६० वर्षीय बसन्त सुवेदी बुद्धशान्ति गाउँपालिका-४ मंगलबारेस्थित नव ज्योति सामुदायिक वनमा बिहीबार मृत अवस्थामा फेला परेका छन् ।
रोल्पा गंगादेव गाउँपालिका-४ मालेखोलास्थित लु.१ ज ३३३२ नम्बरको जिपमा सोही गाउँपालिका-४ पोखराडाँडा बस्ने ४० वर्षीय प्रकाश ओली बिहीबार मृत अवस्थामा फेला परेका छन् ।
बैतडी दोगडाकेदार गाउँपालिका-६ सित्तडस्थित नवनिर्मित स्वास्थ्य भवनमा काम गर्ने नुवाकोट घर भएका ४१ वर्षीय नारायण मगरको सोही ठाउँस्थित बाटोबाट लडेर बिहीबार दिउँसो मृत्यु भएको छ । स्थानीय सित्तड बजारबाट उक्त नवनिर्मित स्वास्थ्य भवनतर्फ आउने क्रममा उक्त बाटोबाट करिब १ सय ५० मिटर तल खसेर मृत्यु भएको अवस्थामा उनको शव फेला परेको हो ।