काठमाडौं- महोत्तरी लोहारपट्टी नगरपालिका-४ पिप्राढीस्थित सडकमा हाल नम्बर नखुलेको टयाक्टर आफै अनियन्त्रित भई बिहीबार दिउँसो दुर्घटना हुँदा ट्याक्टरमा सवार भंगहा नगरपालिका-८ धर्मपुर बस्ने २२ वर्षीय शैलेन्द्र सदाको घटनास्थलमै मृत्यु भएको छ । दुर्घटना घाइते भएका ट्याक्टर चालक लोहारपट्टी नगरपालिका-३ महदईया बस्ने २५ वर्षीय सरोज पसवानको जिल्ला अस्पताल जलेश्वरमा उपचार भईरहेको छ ।

कञ्चनपुर बेलौरी नगरपालिका-५ रामनगरमा सू.प.प्र. ०१-००९ प ३७२६ नम्बरको मोटरसाइकल र से.३ प २४ नम्बरको मोटरसाइकल एकआपसमा ठक्कर खाई बिहीबार राति दुर्घटना हुँदा सू.प.प्र. ०१-००९ प ३७२६ नम्बरको मोटरसाइकल चालक कृष्णपुर नगरपालिका-२ बस्ने १९ वर्षीय बिमल रानाको मृत्यु भएको छ । दुर्घटनामा गम्भीर घाइते भएका से.३ प २४ नम्बरको मोटरसाइकल चालकलाई सोही अस्पताल हुँदै थप उपचारको लागि निसर्ग अस्पताल धनगढी रिफर गरिएको छ ।