काठमाडौं- बर्दिया, बारबर्दिया नगरपालिका-६ धामपुर बस्ने चन्द्र बहादुर सुनारको ग्यारेजमा गएराति आगलागी हुँदा ग्यारेजभित्र रहेको भे.१ त ७६१२ नम्बरको ट्याक्टर र थ्रेसर मेशिन जलेर करिब १९ लाख रुपैयाँ बराबरको धनमाल नष्ट भएको छ ।

पाँचथर फालेलुङ गाउँपालिका-३ साङलेपा बस्ने पूर्ण बहादुर केरूङको भान्छा घरबाट बुधबार बिहान आगलागी हुँदा तीन वटा घर, एकवटा भान्छाघर र घरभित्र रहेको सम्पूर्ण सामानहरु पूर्णरूपमा जलेर करिब ५० लाख रुपैयाँ बराबरको धनमाल नष्ट भएको छ ।

 मोरङ मिक्लाजुङ गाउँपालिका-४ आमबोटे बस्ने राजकुमार लिम्बुको घरमा बिद्युतको लाईन सर्ट भई बुधबार बिहान आगलागी हुदाँ घर, अन्नपात, लत्ताकपडा, भाडाबर्तन, कागजपत्र समेत जलेर करिब ७ लाख रुपैयाँ बराबरको धनमाल नष्ट भएको छ ।