काठमाडौं- काठमाडौं कीर्तिपुर नगरपालिका-६ स्थित रोबो इन्जिनियरिङ सोलुसन प्रालीको कम्पाउण्डभित्र हाल नाम, थर, वतन नखुलेका करिब ३५ वर्षीय पुरुष आइतबार मृत अवस्थामा फेला परेका छन् ।
रुपन्देही मायादेवी गाउँपालिका-३ हर्नामपुर बस्ने २३ वर्षीया सविता धोवी आफ्नै घरबाट करिब १ सय मिटर टाढा रहेको खडवा नालाको किनारामा आइतबार मृत अवस्थामा फेला परेकी छन् ।
काभ्रे पनौती नगरपालिका-५ बाँसघारी बस्ने ३५ वर्षीय इन्द्र बहादुर श्रेष्ठ आफ्नै घरमा आइतबार मृत अवस्थामा फेला परेका छन् ।
यसैगरी काभ्रे पाँचखाल नगरपालिका-९ स्थित भगवतिथान बस्ने ६० वर्षीय बिष्णु राई आफ्नै घर नजिकै बारीमा आइतबार मृत अवस्थामा फेला परेका छन् ।
जुम्ला चन्दननाथ नगरपालिका-५ बस्ने ५० वर्षीय भिम बहादुर सुनार सोही ठाउँस्थित रविन्द्र होटलमा सुतेकै ठाउँमा आइतबार मृत अवस्थामा फेला परेका छन् । उक्त होटलमा सुतेका उनी बिहान अवेरसम्म नउठेपछि गई हेर्दा शव फेला परेको हो ।
नवलपरासी (पूर्व) मध्यविन्दु नगरपालिका-१ सेतापानीस्थित नवलपुर इँटा भट्टाभित्रको पानीको खाल्डोमा डुबेर सोही इँटा भट्टामा काम गर्ने कैलाली जोसिपुर गाउँपालिका-६ घर भएका सुरेश चौधरीकी छोरी २ वर्षीया जेनिसा चौधरीको आइतबार दिउँसो मृत्यु भएको छ । इँटा भट्टामा खेल्नेक्रममा उक्त खाल्डोभित्र डुबेर अशक्त भएकी उनको मध्यविन्दु जिल्ला अस्पताल डण्डामा उपचारको क्रममा मृत्यु भएको हो ।
पाल्पा रामपुर नगरपालिका-४ सदाबर्त बस्ने ७८ वर्षीय धन बहादुर सार्कीको सोही ठाउँस्थित कुलोमा डुबेर आइतबार बिहान मृत्यु भएको छ । घरबाट करिब १ सय मिटर टाढा रहेको खेतमा पानी लगाउने क्रममा कुलोमा डुबेर अशक्त अवस्थामा फेला परेका उनको रामपुर अस्पतालमा उपचारको क्रममा मृत्यु भएको हो ।