काठमाडौं- भृकुटीमण्डप प्रदर्शनी हलमा ६ देखि ८ पुससम्म ‘इन्टरप्राइज इन्डिया प्रदर्शनी’ आयोजना गरिएको छ ।
भारतीय दूतावासका कार्यवाहक राजदूत श्रीमती नामग्य सी खम्पाले उक्त प्रदर्शनीको उदघाटन गरिन् । कार्यक्रममा सहभागी भारतीय तथा नेपाली कम्पनीहरूसँग अन्तक्र्रिया गरिएको थियो ।
खम्पाले आयोजकहरूलाई दुई देशबीचको व्यावसायिक सम्बन्धलाई मजबुत बनाउन नेपाली उद्यमीहरूसँग ‘बी टु बी’ साझेदारी खोज्न आग्रह गरिन् ।
भारत सरकार वाणिज्य एवम् उद्योग मन्त्रालयको सहयोगमा कन्फेडेरेसन अफ इन्डियन इन्डस्ट्रीले ‘इन्टरप्राइज इन्डिया २०२२’ को आयोजना गरेको हो । दुवैतर्फ उपलब्ध व्यापार अवसरहरूको बारेमा सचेतना जगाई ब्रान्ड इन्डियाको प्रबद्र्धन र द्विपक्षीय व्यापार एवम् लगानी अभिवृद्धि गर्ने उद्देश्यले सो प्रदर्शनीको आयोजना गरिएको हो । संयुक्त उद्यम, प्रविधि आदानप्रदान, मार्केटिङ प्रबन्धलाई सहजीकरण गर्नुका साथै दुई देशका जनताबीचको सम्पर्कलाई अझ मजबुत बनाउनु यस प्रदर्शनीको मूल उद्देश्य छ ।
भारतका विभिन्न भागबाट आएका र विभिन्न क्षेत्रको प्रतिनिधित्व गर्ने ५० भन्दा बढी भारतीय कम्पनीहरूले यस प्रदर्शनीमा आफ्ना उत्पादन तथा सेवा प्रदर्शन गरिरहेका छन् । यस प्रदर्शनीमा नेपाली व्यवसायी तथा व्यापारीहरूको पनि उत्साहजनक सहभागिता छ ।