काठमाडौं- काठमाडौं महानगरपालिका-६ बौद्ध पाटीटार बस्ने ५५ वर्षीय अनुज कार्की बौद्ध नागेश्वर गल्लीस्थित सडक पेटीमा आइतबार मृत अवस्थामा फेला परेका छन् ।
कास्की पोखरा महानगरपालिका-३३ बहुमारास्थित सडक छेउमा सोही महानगरपालिका-२७ बुढी बजार बस्ने ६५ वर्षीय वृक्षाराम बिक शनिबार मृत अवस्थामा फेला परेका छन् ।
यसैगरी कास्की पोखरा महानगरपालिका-१७ छोरेपाटनस्थित डेविट फल्सको खोचमा सोही महानगरपालिका-१७ शितलचौतारी बस्ने धादिङ ज्वालामुखी गाउँपालिका-४ घर भएका ४१ वर्षीय सुनिल परियार शनिबार मृत अवस्थामा फेला परेका छन् ।
कैलाली जानकी गाउँपालिका-९ अमरावती सामुदायिक वनमा सोही ठाउँ बस्ने २५ वर्षीय अरुण दास शनिबार मृत अवस्थामा फेला परेका छन् ।
बाँके कोहलपुर नगरपालिका-७ पर्सेनिपुर बस्ने ३२ वर्षीया कमला बस्नेत आफ्नै घरमा आइतबार मृत अवस्थामा फेला परेकी छिन् ।
लमजुङ सुन्दरबजार नगरपालिका-६ नमुना टोल बस्ने ३० वर्षीया सरस्वती गौली आफ्नै घरमा आइतबार मृत अवस्थामा फेला परेकी छिन् ।