काठमाडौं- सुनसरी गढी गाउँपालिका-५ सतेरझोडास्थित सडकमा रोकी राखेको को.३ त ३९ नम्बरको ट्याक्टरमा ना.८ प ४३९० नम्बरको मोटरसाइकल ठक्कर खाई शनिबार राति दुर्घटना हुँदा मोटरसाइकल चालक सोही गाउँपालिका-६ बस्ने २५ वर्षीय निराजन रायको घटनास्थलमै मृत्यु भएको छ । दुर्घटनामा घाइते भएका मोटरसाइकलमा सवार सोही ठाउँ बस्ने २७ वर्षीय अक्षय रायलाई उपचारको लागि बिराट नर्सिङ होम बिराटनगरतर्फ पठाइएको छ ।

बारा जितपुर सिमरा उपमहानगरपालिका-२ हुलासस्थित सडकमा पथलैयाबाट सिमरातर्फ जाँदै गरेको प्र.२-०२-००१ प ५११७ नम्बरको मोटरसाइकल बाटोको रेलिङ्गमा ठक्कर खाई शनिबार राति दुर्घटना हुँदा मोटरसाइकल चालक सोही उपमहानगरपालिका-३ बज्नी बस्ने २५ वर्षीय उमाकान्त चौधरीको घटनास्थलमै मृत्यु भएको छ । साथै दुर्घटनामा घाइते भएका मोटरसाइकलमा सवार सोही ठाउँ बस्ने २६ वर्षीय सुनिल चौधरीको सिमरास्थित तराई अस्पताल हुँदै थप उपचारको लागि न्यूरो अस्पताल वीरगंजतर्फ पठाइएको छ ।