काठमाडौं– काठमाडौं महानगरपालिकाले नवीकरण नगरी सञ्चालन भइरहेका दुई अस्पताललाई शिल गरेको छ।

महागरको स्वास्थ्य संस्था अनुगमन टोलीले कोटेश्वरको हाम्रो सहयात्री अस्पताल एवम् वर्थिङ सेन्टर र बौद्धमा रहेको चाइना पिपुल्स हस्पिटल सिल गरेको हो।

१५ शैय्याका दुवै अस्पतालले दर्ता नवीकरण नगरी सञ्चालन गरेकाे र अस्पताल भित्र सञ्चालित फार्मेसी विना दर्ता सञ्चालन भइरहेको पाइएको महानगरले जनाएको छ।

ती अस्पतालले अस्पतालले अपनाउनु पर्ने मापदण्ड समेत पालना नगरेको पाइएको र विरामी बस्ने र चेकजाँच गर्ने कोठासमेत नभएकाे पाइएकाे महानगरले बतायाे।