काठमाडौं- मकवानपुर हेटौडा उपमहानगरपालिका-१४ बाट नियन्त्रित लागूऔषध सहित सोही उपमहानगरपालिका-१४ कालापानी बस्ने २६ वर्षीय रविन तामाङलाई सोमबार दिउँसो प्रहरीले पक्राउ गरेको छ । बिशेष सूचनाको आधारमा जिल्ला प्रहरी कार्यालय मकवानपुरबाट खटिएको प्रहरीले शंकास्पद रुपमा हिँडिरहेको उनलाई जाँच गर्दा ४९ ट्याब्लेट नाईट्राभेट, ३ सय ६० क्याप्सुल ट्रामा, ३५ ट्याबलेट स्टेगन, ६ ट्याबलेट स्पासपेन र नगद ४६ हजार २ सय ५० रुपैयाँ सहित फेला पारी पक्राउ गरेको हो ।
पर्सा वीरगंज महानगरपालिका-१६ रजयन्ती चोकबाट १४ ग्राम अवैध लागूऔषध खैरो हेरोइन जस्तो देखिने पदार्थ सहित सोही महानगरपालिका-७ रामटोल बस्ने १९ वर्षीय दिप श्रीवास्तव समेत ३ जनालाई सोमबार साँझ प्रहरीले पक्राउ गरेको छ । भारतबाट नेपालतर्फ आउँदै गरेको ना.१४ प ४८०२ नम्बरको मोटरसाइकललाई लागूऔषध नियन्त्रण व्यूरो शाखा कार्यालय वीरगंजबाट खटिएको प्रहरीले जाँच गर्ने क्रममा उक्त पदार्थ सहित फेला पारी मोटरसाइकल चालक दिपलाई नियन्त्रणमा लिई लागूऔषध खरिद गर्ने सोही महानगरपालिका-८ गहवा बस्ने १८ वर्षीय किशोर समेत २ जनालाई प्रहरीले पक्राउ गरेको हो ।
रौतहट गौर नगरपालिका-३ स्थित अनिल मिट हाउसबाट ३ हजार पिस नियन्त्रित लागूऔषध नाइट्राभेट सहित सोही नगरपालिका-४ टिकुलिया बस्ने २४ वर्षीय टिन्कु कुमार सिंह लगायत २ जनालाई सोमबार दिउँसो प्रहरीले पक्राउ गरेको छ । जिल्ला प्रहरी कार्यालय रौतहटबाट खटिएको प्रहरीले जाँच गर्ने क्रममा उक्त लागूऔषध सहित फेला पारी उनीहरुलाई पक्राउ गरेको हो ।