काठमाडौं- दोस्रो संस्करणको ‘मिस्टर एन्ड मिस विश्वकर्मा इन्टरकन्टिनेन्टल २०२३’मा धरानकी आकृति शंकर र बागलुङका दिनेश विश्वकर्माले उपाधी जितेका छन्। उनीहरूले ५० हजार रुपैयाँ र ट्रफी हात पारे।

विश्वकर्मा समुदायका आधुनिक युवायुवतीले जस्तोसुकै परिवेशमा पनि आफूमा भएको प्रतिभा प्रस्तुत गर्न सक्छन् भन्ने उद्देश्यले ‘बिब्रोस् इन्टरटेनमेन्ट’ले यो प्रतियोगिता आयोजना गरेको हो। विजेताले निर्देशक जीवन शाहीसँग म्युजिक भिडियोमा अभिनय गर्न पाउने छन् ।

१२ युवतीमध्येबाट टप ५

आकृति शंकर (धरान) विजेता
सोनिया गदाल (इलाम) फस्ट रनरअप
निरुता विश्वकर्मा (दोलखा) सेकेन्ड रनरअप
सोनिया घिमिरे (बराहक्षेत्र) मिस पपुलर
एलिसा गहतराज
दिपिका विश्वकर्मा

सोनिया घिमिरे (बराहक्षेत्र) मिस पपुलर

दिपिका गेलाल टप ५ मा नपरे पनि मल्टी ट्यालेन्टको आधारमा छनोट भएको आयोजक अध्यक्ष सञ्जय विश्वकर्माले बताए।

१० युवाबाट टप ५

दिनेश विश्वकर्मा (बागलुङ) विजेता
पवन विश्वकर्मा (पोखरा) फस्ट रनरअप
राजेन्द्र विश्वकर्मा (धनगढी) सेकेन्ड रनरअप
विवेक कालिकोटे
योगेश घतानी

नेपालका चर्चित मोडल तथा कोरियोग्राफर दिक्पाल कार्कीबाट मोडलिङसम्बन्धी ज्ञान, फेसन डिजाइनर रोहित चौधरी, रोविन परियार र ज्वालाराज पोखरेलले पहिरनको डिजाइन एक महिनाको विशेष प्रशिक्षण प्रतियोगीहरूलाई दिएका थिए। आयोजक विश्वकर्माले जानकारी प्रतियोगितामा प्रतिनिधित्व गर्ने महिला र पुरुष प्रतियोगीले मञ्चमा उत्कृष्ट प्रस्तुती गरेकामा खुशी व्यक्त गरे।

प्रतियोगितामा १६ देखि २९ वर्ष उमेर समूहका १० युवा र १२ युवती सहभागी थिए।

बराहक्षेत्र नगरपालिका-१ खारखोला (झण्डे चोक) छेउ स्थायी बसोवास भएका बाबु लक्ष्मण घिमिरे र आमा दिलकुमारीका २ छोरी र एक छोरापछि कान्छी छोरी हुन्, सोनिया। उनले प्रतियोगितामा टप ५ मा पर्दै मिस पपुलर उपाधि जितेकी छन्।

सोनियाले भनिन्, ‘बराहक्षेत्रकी छोरीचेलीलाई हजुरहरूको साथ, सपोर्ट र भोटिङ गर्दै टप ५ मा पर्न अहम् भूमिका वहन गर्नुहुने सबैमा आभार व्यक्त गर्छु।’

प्रतियोगिताका जजहरू

अक्षयजंग रायमाझी (मिस्टर नेपाल २०१८)
जीवन शाही (निर्देशक)
विना श्रेष्ठ (मिडिया पर्सानालिटी तथा निर्देशक)
नरेशवीर सिंह (डान्स कोरियोग्राफर)
रोविन परियार (डिजाइनर)
ज्वालाराज पोखरेल (डिजाइनर)
रितु सेन्चुरी (उपाध्यक्ष, विश्वकर्मा समाज समिति)