भैरहवा- २५६७ औँ बुद्धजयन्ती एवं लुम्बिनी दिवस २०८० को सबै तयारी पुरा भएको छ।
बुधबार लुम्बिनी विकास कोषले पत्रकार सम्मेलन गरी बुद्धजयन्तीको तयारी पुरा भएकाे जानकारी दिएकाे हो।
लुम्बिनी विकास कोषका कोषाध्यक्ष ढुण्डीराज भट्टराइले सबै कार्यक्रम सम्पन्न गर्न एक करोड रकम खर्च लाग्ने बताए।
लुम्बिनी विकास कोषका सदस्य सचिव सानुराजा शाक्यले लुम्बिनीको थप प्रचार प्रसारको लागी टिकटक प्रतियोगीताको आयोजना गरेको बताउदै बुद्धजयन्तीको दिन थाइल्याण्ड र चिनबाट २०० जना भिक्षु-भिक्षुणीहरु आउने बताए।
लुम्बिनी बिकास कोषका सुचना अधिकारी हरिध्वज राइले कोभिड १९ पछि सुस्ताएको पर्यटन व्यवसाय यती बेला बिस्तारै अगाडी बढेको बताए। उनले सन् २०२३ मा तीन लाख ९२ हजार सात सय १५ जना पर्यटक लुम्बिनी भ्रमण गरेको जानकारी दिए।
यो वर्षदेखि भगवान गौतम बुद्धको महत्व दर्शाउनका लागि लुम्बिनी सांस्कृतिक नगरपालिका, देवदह नगरपालिका, नवलपरासीको रामग्राम नगरपालिका कपिलबस्तुको कपिलबस्तु नगरपालिका सहित बृहत्तर लुम्बिनी क्षेत्रका जिल्लाबासीहरुलाई बुद्धजयन्तीका अवसरमा दीप प्रज्वलन गर्न लुम्बिनी विकास कोषले अनुरोध गरेको छ।
कोषले बुद्धजयन्तीकै अवसरमा लुम्बिनी परिसर भित्र हर्न बजाउन नपाउने नियम पनि लागु गरेको छ।