सुनसरी- सप्तकोशी नदीमा डुबेर एकजनाको मृत्यु भएको छ।

मृतक उदरपुर वेलका नगरपालिका-८ पलेटी होटलमा काम गर्ने कर्मचारी सुदीप बिष्ट हुन्। कोशी पुलस्थित अस्थायी प्रहरी चौकीका इन्चार्ज असई रमेश राईका अनुसार सप्तकोशीमा पौडी खेल्ने क्रममा डुबेका थिए।

साथी लोचन विकसँग खाना खाई करिब साढे १० बजे नुहाउन सप्तकोशीमा गएको पलेटी होटलका सञ्चालन दीपक राईले जानकारी दिए।

सशस्त्र प्रहरी पकलीबाट आएका गोताखोरको टोलीले सप्तकोशी पुलबाट २०० मिटर तल बिष्टको शव दिउँसो ४ वजे निकालेको सशस्त्र प्रहरी निरीक्षक उत्तम बस्नेतले जानकारी दिए।

मृतक सुदीप वेलका नगरपालिका-६ माङफाङका बासिन्दा हुन्।