काठमाडौं- विश्वकप छनोट चरणको खेलअन्तर्गत आइतबार बिहानै पोर्चुगल र सर्बियाबीच भएको खेल २-२ गोलको बराबरीमा टुंगिएको छ।
पोर्चुगलले सुरुवाती २ गोल गर्दा सर्बियाले दोस्रो हाफमा बराबरी गोल फर्काएको थियो।
पोर्चुगलले खेलको ११ औं र ३६ औं मिनटमा गोल गरेको थियो। दुवै गोल डिएगो जोटाले गरेका थिए।
यस्तै सर्बियाका लागि ३६ औं मिनटमा एलेक्सान्डर मिट्रोभिक र ६० औं मिनटमा फिलिप कोस्टिकले गोल फर्काएका थिए।
त्यसपछि निर्धारित ९० मिनटसम्म दुवै टोलीले गोल गर्न सकेका थिएनन्। खेलमा ३ मिनट थपिएको थियो।
उक्त अतिरिक्त समयमा रोनाल्डोले खेल सकिनै लाग्दा उत्कृष्ट गोल गरेका थिए।
तर उक्त गोलले मान्यता पाएन। सो गोललाई अमान्य भन्ने कुनै कारण पनि छैन तर रेफ्रीले बलले पोस्ट लाइन कटेको नदेखेपछि त्यसले गोलको मान्यता नपाएको हो।
यो गोल हो या होइन भनेर भार प्रविधिको पनि प्रयोग गरिएको थिएन।
आफूले गरेको स्पष्ट गोलले मान्यता नपाएपछि रोनाल्डोले मैदानमै क्याप्टेन ब्यान्ड फालेका थिए।
